تاند:( پنجشبه، د ميزان دوه ویشتمه) د جرمني وڅ په يوه تازه وينا کې منلې، چې د هېواد په ګډون يې لويديځ په افغانستان کې ماتې خوړلې ده.
ولسمشر. «فرانک والتر اشتانمایر» دا اعتراف په هغو مراسمو کې وکړ، چې په افغانستان کې د جرمني ځواکونو قربانبو ته د درناوي په موخه جوړ شوي وو.
د جرمني ولسمشر پخپله وينا کې وويل، چې لویدیځ په افغانستان کې د تلپاتې دولت په جوړولو کې ناکام شو.
د آنادولیا په خبره د کابل ناڅاپي سقوط دوی مجبوروي څو په نړۍ کې د خپل مسووليت، امکاناتو اومحدودیتونو په اړه په نوي او انتقادي ډول فکر وکړي.
جرمني په تېرو شلو کلونو کې د متحده ايالاتو په مشرۍ په افغانستان کې د نړیوال ماموريت له مهمو هېوادونو څخه و.
د افغانستان د تېر جمهوري نظام بنسټ هم، د طالب واکمنۍ له نسکورېدو وروسته د جرمني په بن ښار کې د حامد کرزي په مشرۍ د موقت حکومت له جوړېدو څخه وشو.
د تېرې ۲۰ کلنې افغان جګړې پر مهال د جرمني ۵۹ سرتېري وژل شوي او ۱۲.۵ ميليارده يورو يې يوازې پر پوځي ماموريت مصرف شوی دی.
ددې تر څنګ، جرمني په وروستیو ورځو کې وویل چې د افغانستان په بیارغونه یې تر ۲۰ ملیارد ډالره زیاتې پیسې لګولي دي.
د ځینو شنونکو په باور، که په بن کنفرانس کې ځپل شوي او تسليمیدونکي طالبان هم بلل شوي او د تېر نظام برخه ګرځول شوي وای، د افغانستان تېر ۲۰ کلونه به دغه هېواد او نړيوالو ته داسې له ځاني او مالي زيانونو ډک نه وای.
دوی، غربی اروپایان له دروغ ویلو نه شرمیېږي، دوی خپل مطلب ته تر آخره رسېدلي دي، هغه شیان يې چه غلا کؤل، غلا يې کړل او ولاړل. دوی د جنګ تاوان چه پر افغانانو يې وټپل بایدي ورکړي.