تاند(جمعه/اکتوبر ۹) ۵۶ کاله پخوا د ۱۹۶۷ ع کال د اکتوبر په اتمه (۹) په چې ګوارا مشهور ارنستو رافایل دولاسرنا د بولویا پوځیانو ونیوه او یوه ورځ وروسته د اکتوبر په نهمه یې په بې رحمانه ډول وواژه.
چې ګورارا د ۱۹۲۸ ع کال د جون په څوارلسمه نېټه د ارجنټاین په روزاریو ښار کې وزېږېد.په زلمیتوب کې په کوردویا ښار کې اوسېده.پوهنتون یې د ارجنټاین په پلازمېنه بوینس ایرس کې د طب په څانګه ولوست.
په ۱۹۵۱ م کال یې د طب له پوهنځي د سند له ترلاسه کولو وروسته د لاتینې امریکا په هیوادونو کې سفر پیل کړ.دې سفر څو میاشتې دوام وکړ.ده د دې سیمې د هیوادونو د خلکو ستونزې او سختۍ په خپلو سترګو ولیدلې.
ارنستوچې ګوارا په ۱۹۵۵ ع کال په مکسیکو سیټي ښار کې له فیډل کاسترو سره ولیدل.
ارنستو یو له هغو دوه اتیا کسانو څخه وو چې په ۱۹۵۶ ع کال له فیدل کاسترو سره کیوبا ته لاړاو یوازې دولس تنه یې واتوانېدل چې بېرته ستانه شي.
له دې وروسته چې ګوارا د کیوبا د ولسمشر فول خونسیو باتیستا د رژیم پرضد ،چې د امریکا له ملاتړه برخمن وو، چریکي جنګ پیل کړ. دا جګړه بالاخره د باتیستا په ماته تمامه شوه. نوموړی مخکې تر دې چې کاسترو ، چې ګوارا او نور ملګري یې هاوانا ته ننوځي، وتښتېد او دومینکو جمهوریت ته یې پناه یووړه.
خو چې ګوارا په کیوبا اکتفا ونه کړه. له دې هیواده د خپلو عقایدو لپاره د مبارزې لپاره لومړی کانګو ته لاړ بیا بولوویا ته لاړ او هلته یې چریکي جګړه پیل کړه. خو د بولوویا پوځ ژوندی ونیوه او ادعا کېږي چې تر وهلو ټکولو لاندې مړ شو.
په درو جبهو کی د فعالیت د رسالت احساس باید ولرو ( یا ولرم ).
امّا
د بشریت په سنګر کی
فقید چیګوارا را ته ډیر ګران دئ ( په اصطلاح ، د امپریالیزم د فکری مزدورانو له مخی دی لاس وی !).