تاند (یکشنبه، د میزان ۱۱) له کابل څخه د قطر د هوايي شرکت په یوه الوتکه کې نن ۲۳۵ تنه وایستل شول.
دا د اګست په ۳۱ مه له کله چې امریکايي پوځیان په بشپړ ډول له افغانستانه وتلي، د قطر د هوایي شرکت پنځمه الوتنه ده چې له کابله ملکي وګړي باسي.
قطري چارواکي وايي، چې نن د دې الوت اکثره سپرلۍ افغانان وو خو د یو شمېر نورو هیوادونو اتباع هم پکې شامل وو.
دا کسان به تر هغو په قطر کې وي چې درېیم هیواد ته د دوی د تګ پروسه بشپړېږي.
قطري چارواکي وايي چې دوی به د خپلو نړیوالو شریکانو په مرسته له افغانستانه د کسانو ایستلو ته دوام ورکړي او د دې ترڅنګ به افغانستان ته په بشري مرستو تمرکز وکړي.
قطر، چې له طالبانو سره ښې اړیکې لري، له هغو غوښتي چې د قطر په شان د اعتدال لاره خپله کړي.