تاند:( چارشنبه، د ميزان اوومه) د ننګرهار ولايت په مرکز جلال اباد ښار کې نن بیا پر وسله والو طالبانو چاودنه شوې.
په دوه جلا راپورونو کې د چاودنې د زيانونو په اړه جلا معلومات خپاره شوي.
د يوه راپور له مخې، په دې چاودنه کې یو ماشوم ټپي شوی.
باختر اژانس ليکلي، چې دغه ماین د جلال آباد ښار په يوه واټ کې ځای پرځای شوی واو نن سهار د طالبانو د کاروان تېرېدوپه وخت کې وچاودېد.
د پېښې عیني شاهدانو باختر ته ويل، چې په دې چاودنه کې د ماشوم تر څنګ د طالبانو ۲ وسله وال او یو بل عام وګړی ټپيان شوي.
په ننګرهار او ختيځو ولايتونو کې د داسې پېښو مسووليت تر ډېره داعش ډله په غاړه اخلي.