تاند (یکشنبه، د میزان ۴) د هند په سوداګریز ليګ، آی پي ایل ۳۸مه لوبه کې چینای سوپر کېنګز لوبډلې کلکته نایټ رایډرز ته په دوو وېکټو ماتې ورکړه.
کلکتې لومړی د پچې تر ګټلو وروسته د توپوهنې پرېکړه وکړه.
کلکتې په ټاکلو ۲۰ اورونو کې د ۶ لوبغاړو په سوځېدو ۱۷۱ منډې وکړې.
له ډلې يې راهول ۴۵، اندري رسل ۲۰ او نیټیش رانا ۳۷ او دینش کارتیک ۲۶ ترټولو زیاتې منډې وکړې.
چینای سوپر کېنګز ټاکل شوی هدف د لوبې په وروستي توپ پوره او لوبه یې په دوه ویکټو وګټله.
رتوراج ګېکواډ ۴۰، ډوپلیسي ۴۴ او معین علي ۳۲ ترټولو زیاتې منډې وکړې.
په دې بریا سره چینای لوبډله د آی پي اېل لوبو د جدول په سر کې قرار لري.