هغه یو غږ که څه هم ستاسو ددښمن وی مړ کړی ترڅو افغانستان په بشری ناورین باندی اخته سی. کله چه افغانان له لوږی مړه سی او په پردی استخباراتو کی کار وکړی بیا به نو افغانستان ښه ترقی وکړی.
یو خواخوږی افغان باید افغانستان ته دښمنان ډیر نکړی. له تښتک غنو یی باید زده کړی.

زما په آند اوس کې څوک مني يا يي نه مني، طالبان په ټول افغانستان واکمن دي، که څوک له مظلومو افغانانو سره خواخوږي لري، بايد زيار وباسي چې همدغه حکومت له نړيوالې ټولنې له خوا په رسميت وپيژندل سى. پاکستان ته خپلې ملي ګټې لومړيتوب لري، مونږ هم بايد خپلو ملى ګټو ته په کتو سره له ګاونډيانو سره تعامل وکړو. د قريشي اظهارات د افغانستان د کنګل شويو پيسو په هکله د افغانستان په ګټه ده.

حکیم صاحب طالبان به مو په سر سترګو منلي وای خو دوی په خپله نه غواړي چې خپل ولس او نړۍ یې ومني. دوی په لوس لاس له ځان او افغانستان سره دښمني کوي. داسي کارونه کوي چې حکومت یې څوک په دنیا کې ونه پېژني. هسې هم په دې بد نامه دي چې له ښځو سره یې له پیله دښمني ده نو ولي د ښځو وزارت لغوه کوي؟ که دا وزارت یې ړنګ نه وای څه تاوان به یې کړی و خو زه پوهیږم چې د دغه وزارت په لغوه کولو ځان لا منزوي کوي. د هلکانو ښوونځي پیلوي د نجونو نه پیلوي. ولې داسي کارونه کوي چې نړیوال ورباندې حساس کیږي. مقررۍ یې وګورئ. همهغه غلطۍ تکراروي چې ۴۰ کاله پخوا خلقیانو کړې وې. خلقیانو ټولې چوکۍ خپلو کسانو ته ورکړې دوی هم چې طالب وي باید مقرر شي. څه تاوان به یې کړی وای چې په موقت حکومت کې یې د تېرې کابینې معینان، ريیسان او نور په خپل حال پرې ایښي وای. که یې دا کار کړی وای د اوس په شان به ادارې نه فلج کېدې او ورسره جوخت به یې خپل کسان د مرستیالانو په توګه له اداري چارو سره بلد کړي وو. په ملایانو او سوداګرو خو حکومت نه کېږي. دوی یا خپل ملایان او جړیان مقرروي یا یو نیم تاجر چې دوی ته یې د جګړې په مهال چندې ورکړي دي. دوی باید له عقله کار واخلي او په ځان انتقاد په دین انتقاد ونه بولي. له انتقادونو زده کړه وکړي او خپلو تېروتنو ته متوجه شي.