تاند ( دوشنبه، د سنبلې ۲۹) د هند غوره لیګ لوبې چې د کورونا له امله ځنډېدلې وې تېره ورځ بيا پیل شوې.
د یاد لیګ په ۳۰مه لوبه کې چینای سوپر کینګز لوبډلې ممبی انډینز لوبډلې ته د ۱۹ منډو په توپیر ماتې ورکړه.
پچه د چینای لوبډلې وګټله او لومړی یې د توپ وهنې پرېکړه وکړه .
چینای په ټاکلو شلو اورونو کې د ممبۍ انډینز لوبډلې لپاره د ۱۵۷ منډو هدف کېښود.
رتوراج ګیکواډ ۸۸ منډې وکړې.
د ممبی لپاره ترینټ بولټ، ادم میلن او جسپریټ بومرا دوه-دوه لوبغاړي وسوځول.
ممبی د ۸ لوبغاړو په سوځېدو ۱۳۶ منډې وکړې او د ۱۹ منډو په توپیر ماتې وخوړه.
سورب تیواري ۵۰ ناسوځېدلې منډې یې جوړې کړې.
د چینای له لورې ډیون براوو ۳، دیپک چاهار ۲ لوبغاړي وسوځول.
د یادولو ده چې نن دوشنبه د آی پي ایل لیګ په ۳۱مه لوبه کې کلکته نایټ رایډرز او ریالز چیلنجر بېنګلور لوبډلې سره لوبه کوي.