تاند(چهارشنبه، د سنبلې ۱۱۰) د پاکستان پوځ ادعا کوي چې په بلوچستان ایالت کې یې د اسلامي دولت یا داعش ۱۱ وسله وال وژلي دي.
د پاکستان د پوځ په وینا دا کسان پرون / سې شنبه/ د بلوچستان په مستونګ کې د داعش پر پناهځای د د پوځ د تروریستي ضد ځواک په برید په ترڅ کې ووژل شول.
په وروستیو کې په دې سیمه کې د پاکستان دوه پولیس وژل شوي وو.
پوځ وايي چې په پرونیو عملیاتو کې څو انتحاري واسکټونه، لاسي بمونه او یوه اندازې وسلې او مهمات لاس ته ورغلي دي.
د پاکستان پوځ د وژل شویو کسانو په اړه نور معلومات نه دي ورکړي او د هغو هویت یې هم نه دی څرګند کړی.
پاکستان تر دې وړاندې په بلوچستان کې د داعش د فعالیت په اړه څه نه و ویلي. تر دې پخوا په بلوچستان کې د پاکستان پر امنیتي ځواکونو د اکثرو حملو مسوولییت د پاکستاني طالبانو یا بلوڅ ازادي غوښتونکو مانه.
په بلوچستان کې، چې د طبیعي زېرمو له نظره د پاکستان تر ټولو شتمن ایالت دی، بلوڅ بیلتون غوښتونکي ډېر فعال دي.