تاند (چهارشنبه، د اسد ۲۷) د افغانستان د کرکټ بورډ ویاند فرید هوتک په خپله فېسبوک پاڼه لیکلي،چې د افغانستان او پاکستان کرکټ ملي لوبډلو ترمنځ د درېیو نړیوالو پنځوس اوره سیالیو ته چمتوالی نیول شوی دی.
هوتک لیکلي، چې د پروازونو پیل کېدو سره به افغان لوبډله سریلانکا ته سفر وکړي.
دا په داسې حال کې ده، چې تېره ورځ اویشکا ګنوردنې د افغانستان کرکټ ملي لوبډلې د توپوهني روزونکی وګمارل شو.
ګنوردنې مخکينی سريلانکايي لوبغاړی دی.
۴۴ کلن اويشکا د سرېلانکا لپاره ۶۱ نړيوالي يو ورځنۍ لوبې کړي دي.
دې سرېلانکايي روزونکي د خپل هېواد د الف او ۲۰۱۷ کال کې د دې هيواد د ملي لوبډلې د روزونکي په توګه دنده ترسره کړې ده.
د یادونې چې افغانستان په راتلونکي سپټمبر مياشت کې پخپل کوربتوب له پاکستان سره د ۳ يو ورځنيو لوبو لړۍ لري، چي د کورنيو روزونکو په ګډون ورسره درې نړيوال روزونکي هم ملتيا کوي.