تاند ( چهارشنبه، د اسد ۶) د امریکا د جمناسټیک ښځینه لوبغاړي سیمون بایلز ، چې په ۲۰۱۶ المپيک لوبو کې د سرو زرو مډال لري اوس د رواني ستونزو له امله له لوبو انکار وکړ.
بایلز په ۲۰۲۱ المپيک لوبو کې په یو کسیز فاینل لوبو کې هم د روانې ستونزو له امله له لوبو انکار کړی دی.
نوموړې د امریکا یو له پیاوړو لوبغاړو څخه ده او د ګڼو امریکایانو سترګې ورته دي، چې یو ځل بیا به د سرو زرو مډال ګټي.
دغه راز په روانو لوبو کې بیا هدلین دیاز د فلپين هغه لوبغاړې ده، چې د وزن په پورته کولو کې د سرو زرو مډال خپل کړ.
نوموړې ۳۰ کلنه ده او د ۵۵ کیلو ګرامه وزن په پورته کولو یې ۲۰۲۰ توکیو المپيک لوبو کې د سرو زرو مډال خپل کړ.
هغې په دې بریا سره خپل هېواد د المپيک د سرو زرو د مډال ګټونکو هېوادونو کې شامل کړ.