تاند( سه شنبه، د سرطان ۲۲) افغان ولسمشر محمد اشرف غني نن سهار د یوه لوړ پوړي پلاوي په مشرۍ مزار شریف ښار ته لاړ.
د ولسمشر غني د سفر موخه د بلخ ولایت د عمومي وضعیت ارزونه یاده شوې ده.
د ولسمشرۍ ماڼۍ مرستیال ویاند محمد امیري په ټويټر کې لیکلي، چې ولسمشر غني په دې سفر کې د یاد ولایت له نظامي مسوولانو، قومي مخورو، عامو ولسونو سره هم بېلابېلې ناستې ترسره کړي.
ولسمشرغني داسې مهال بلخ ولایت ته په سفر ځي، چې د یاد ولایت په ګڼو سیمو کې د افغان ځواکونو او طالبانو ترمنځ نښتې روانې دي.
د یادونې ده، چې ولسمشر غني له دې وړاندې خوست ولایت ته تللی وو او هلته یې د خوست نړیوال هوایي ډګر هم پرانیست.