تاند ( جمعه، د سرطان ۱۸) د پاکستان او انګلستان ترمنځ لومړۍ نړیواله یو ورځنۍ لوبه کې انګلستان پاکستان ته ستره ماتې ورکړه.
د لوبې پچه انګلستان وګټله او پاکستان ته یې د توپوهنې بلنه ورکړه.
د پاکستان ټوله لوبډلې په ۳۶ ام اورو کې خپل ټول لوبغاړي له لاسه ورکړل او ۱۴۱ منډې یې وکړې.
د انګلستان لوبډلې ټاکل شوی هدف په ۲۱ اورونو کې د یوه لوبغاړي په زیان پوره او لوبه یې د ۹ ویکټو په ستر توپیر وګټله.
د انګلستان له خوا ډیویډ ملن ۶۸ او زاک کراولي ۵۸ ناسوځېدلې منډې وکړې.
د یادو دواړو لوبډلو ترمنځ د ۳ نړیوالو یو ورځنیو لوبو دوهمه لوبه به یې د جولای په ۱۰مه نېټه ترسره شي.