تاند (چهارشنبه د سرطان ۱۶) له جرمني ۲۷ تنه ایستل شوي افغانان نن چهارشنبه کابل ته راورسېدل.
راپورونه وايي د دغو افغانانو لپاره ځانګړې یا چارتر الوتکه سهار وخت د حامد کرزي نړیوال هوايي ډګر کې کېناسته.
د جرمني ډي پي اې خبري اژانس وايي، نننۍ الوتنه، له ۲۰۱۶ کال راهیسې له جرمني د اېستل شوېو افغانانو ۴۰مه الوتنه ده چې په ټوله کې ۱۱۰۴ افغان پناه غوښتونکي یې له دې هېواده افغانستان ته لېږدولي دي.
په وروستیو څو کلونو کې زرګونه افغانان د یوې ښې راتلونکې په تمه اروپايي هېوادونو ته ځي، خو په دې هېوادونو کې د کډوالو په قوانینو کې د نوېو محدودیتونو له کبله اکثر دا کسان نه منل کېږي او ډېری خپلو هېوادونو ته ډیپورت کېږي