تاند ( یک شنبه، د سرطان ۱۳) ټاکل شوې ده، چې د افغانستان د نجونو فوټبال ۱۷کلنه لوبډله نن د فوټبال د مرکزي اسیا سیالیو پر دوام له تاجکستان سره لوبه ترسره کړي.
دا لوبه نن شپه څه باندې ۹ بجې د تاجکستان په دوشنبې ښار کې ترسره کېږي.
افغان لوبډلې د دغو سیالیو لومړۍ لوبه له ایران سره ترسره کړه، چې ۶ د صفر په مقابل کې یې ماتې ومنله.
د افغان لوبډلې روزونکې وایي، په خپل ټیم او لوبغاړو باور لري، چې د تاجکستان لوبډله به ماتې سره مخ کوي.
په تاجکستان کې دا لوبې د جون په ۳۰ مه نېټه پیل شوې او د جولاي تر ۹مې نېټې به دوام ولري.