تاند ( یک شنبه، د سرطان ۱۳) د اروپا فوټبال اتلولۍ د کواټر فاینل لوبو پرمهال ډنمارک لوبډلې د چک جمهوریت لوبډلې ته او انګلستان لوبډلې اوکراین لوبډلې ته په ماتې ورکولو نیمه پایلوبې ته ورسېدې.
ډنمارک لوبډلې له ۱۹۹۲م کال وروسته په لومړي ځل د اروپا فوټبال اتلولیو نیمه پایلوبې ته لار وموندله.
یادې لوبډلې د چک جمهوریت لوبډلې ته د ۲-۱ ګولونو په توپیر ماتې ورکړه.
دغه راز د تېرې شپې په دوهم کواټر فاینل کې انګلستان لوبډلې ۲۵ کاله وروسته په لومړي وار د یادو سیالیو نیمه پایلوبې ته لار موندلې او اوکراین لوبډلې ته یې په ۴-۰ ماتې ورکړه.
انګلستان لوبډله به د اروپا فوټبال اتلولیو په نیمه پایلوبه کې د ډنمارک پر وړاندې مخامخ کیږي.
دغه لوبه به چهارشنبه ې ترسره شي.
له دې وړاندې هسپانیا او ایټالیا هم نیمه پایلوبې ته لار موندلې او راتلونکې سه شنبه به د دې دواړو لوبډلو ترمنځ لوبه ترسره کېږي.