تاند ( پنج شنبه، د سرطان ۱۰) په کاناډا کې د هوا د زیات ګرموالي له امله لسګونه کسان مړه شوي دي.
د یاد هېواد روغتیايي چارواکي وايي، چې د ګرمۍ په موسم کې له بېلابېلو ایالتونو ۴۸۶ کسان مړه شوي دي.
سرچینه وایي، چې تېره ورځ په دغه هېوا کې د تودوخې درجه ۴۹.۷ وه، چې د یاد هېواد په تاریخ کې بې مخینې ګڼل کېږي.
د کاناډا لومړي وزیر جسټین ټروډو روان وضعیت د اندېښنې وړ بللی او پر خلکو یې غږ کړی، چې ټول اړین تدابیر په پام کې ونیسي او له یو بل سره د ساتنې په برخه کې مرسته وکړي.
هغه همدا راز پر نړیواله کچه د اقلیم د بدلون په مسئله کې له نړیوالو همکاري هم غوښتې ده.
د جسټین ټروډو په خبره که وضعیت همداسې روان وي نو بشریت له یوه نوي ګواښ سره د مخ کېدو په حال کې دی.