تاند ( سه شنبه، د سرطان ۸) په کابل کې د روسیې سفیر دیتمري ژیرنوف په خپله تازه مرکه کې ویلي، طالبان دومره پیاوړي نه دي چې په افغانستان کې ستر ګواښونه جوړ کړي او جګړه دوامداره وساتي.
د ژيرنوف په خبره دا سمه ده چې جګړه روانه ده خو دغه ډله به تر ډېره جګړې ته دوام ور نکړای شي.
هغه دغه راز ویلي، چې د طالبانو د فعالیتونو له لوري روسیې ته هېڅ ډول مستقیم ګواښ متوجه نه دی او دوی هر څه له نږدې څاري.
ژېرنوف زیاته کړې د روسیې پالیسي دا ده چې په افغانستان کې د دواړو لورو ترمنځ جګړې پای ته ورسېږي او په دغه هېواد کې د یوې کورنۍ جګړې د رامنځ ته کېدو مخه ونیول شي.
نوموړي ویلي، چې روسیې خپل رسمي دريځ د افغانستان په اړه په ځلونو څرګند کړی او موخه یې هم دا ده ، چې په افغانستان کې د سولې خبرې یوې پایلې ته ورسېږي او روانې جګړې د خبرو له لارې ختمې کړل شي.
ازبکستان: د سیمې هېوادونه باید د افغان جګړې پای ته رسولو کې مرسته وکړي