تاند ( سه شنبه، د سرطان ۱) د لغمان ولایت امنیتي چارواکي وایي، چې تېرماښام د دې ولایت په مرکز کې د هاوان مرمۍ ۵ ماشومانو ته مرګ ژوبله اړولې ده.
د ملي امنیت اړوند ۰۲ قعطې په یوه خبرپاڼه کې ویلي، چې دا پېښه د مرکز مهترلام اړوند ارمل سیمه کې شوې، چې له امله یې یو ماشوم وژل شوی او ۴ نور ټپيان دي.
سرچینه وایي، چې د هاوان دا مرمۍ د وسله والو طالبانو له لوري توغول شوې ده.
د معلوماتو له مخې دا په روانه میاشت کې دریم برید دی چې ترسره کېږي او په کې ملکي وګړو ته مرګ ژوبله اوړي.
حکومتي چارواکي یاد کار د وسله والو طالبانو کار بولي، خو یادې ډلې تر اوسه په دې اړه رسنیو ته څه نه دي ویلي.