تاند ( یک شنبه، د جوزا ۱۶) کرنې وزارت په کونړ ولایت کې د ۲،۳ ملیونه افغانیو په لګښت کورنۍ باغچې جوړوي.
د دې کورنیو باغچو د جوړېدو چارې نن رسما پيل شوې.
د کونړ ولایت مرستیاله برېښنا شیرزۍ وایي په اوس وخت کې بزګرې ښځې، په اقتصادي، چاپېریال او ټولنیزو بدلونونوکې رغنده رول لري.
آغلې شېرزۍ زیاتوي، چې مېرمنې اوس کولای شي د سبزیجاتو په تولید سره، مرغدارۍ، شاتو د مچیو د روزنې او نورو بېلابېلو برخو کې خپل کورنی اقتصاد پیاوړی کړي.
په ورته مهال د کونړ د کرنې ریاست د کرنیزو چارو آمر نجیب الله عادل وایي، چې د کرنې په برخه کې د ښځو له ځواکمنتیا څخه یې موخه د مېرمنو لپاره کارموندنه ده.
نوموړی وایي دوی هڅه پیل کړې څو مېرمنې خپل کورني تولیدات پياوړي او د کورنیو ستونزو د حل سره سره مارکېټ ته پاک او صحي خواړه وړاندې کړي.
د افغان متشبثو مېرمنو او ازبیک سوداګرو ترمنځ سوداګریز تړونونه لاسلیک شول