تاند – د تخار د بنګي ولسوالۍ په شینواریو کلي کې د حاجي فتېح په نوم د یوه غیر مسؤل قوماندان وسله والو له لسو زیات ملکي کسان برمته کړې دي.
د تخار د امنیه قومندانۍ ویاند خلیل اسیر د دې موضوع د پخلي ترڅنګ ویلي چې قومندان فتېح تېره ورځ له خپلو وسله والو سره د بنګي ولسوالۍ دې کلي ته روان و چې د طالبانو له برید سره مخامخ شو او ۱۳ ملګري یې ووژل شول.
د هغه په خبره چې د دغه غیر دولتي قوماندان وسله وال نن سهار بیا شینواریو کلي ته تللي او یو شمېر سپین ږیري او ځوانان یې د دې لپاره له ځان سره بیولي، چې له طالبانو خپل غچ واخلي.
تر اوسه د قومندان فتېح د وسله والو له خوا د نیول شویو ملکي وګړو برخلیک مالوم نه دی.
طالبانو بیا له قوماندان فتېح سره د نښتې او د هغه د کسانو د وژل کېو په هکله څه نه دي ویلي.