تاند — دلوېدیزې حوزې د علماوو او روحانیونو د شورا مرستیال مولوي محمد کبابیاني نن سهار د هرات په انجیل ولسوالۍ کې په یوه وسله وال برید کې ووژل شو.
د هرات د امنیه قومندانۍ ویاند عبدالاحد ولي زاده وايي مولوي کبابیاني نن سهار هغه مهال ووژل شو چې له جوماته د کور پر لور روان و چې دوو موټر سایکل سپرو پرې برید وکړ.
د ولي زاده په خبره چې برید کوونکي د پېښې له ځایه تښتېدلي دي. تر اوسه ددغه پېښې مسؤلیت چا نه دی منلی.
مولوي کبابیاني شاوخوا ۸۰ کاله عمر درلود چې شاوخوا ۳۰ کاله یې د لوېدیځې حوزې د علماوو د شورا مرستیال په توګه دنده ترسره کړې وه.