تاند(یکشنبه، د جوزا ۹) د امریکا فلوریډا ایالت په میامي ښار کې دریو وسله والو پر خلکو ډزې کړې دي چې په پایله کې یې ۲۲ کسانو ته مرګ ژوبله اوښتې ده.
د میامې ایالت پولیس چارواکو ویلي چې په دې پېښه کې دوه تنه ځای پر ځای وژل شوي او شل نور ټپیان دي چې د ځینو ټپیانو روغتیایي حالت هم د اندېښنې وړ دی.
چارواکو زیاته کړې، دا پېښه هغه مهال رامنځته شوه کله چې ګڼ شمېر خلک یو کانسرت ته په تمه وو.
د دوی په خبره، تر اوسه پورې د پېښې انګېزه روښانه نه ده خو دوی خپلې څېړنې پیل کړې دي.