تاند — د ملي دفاع وزارت وايي د هلمند ولایت په ګرشک ولسوالۍ کې د ملکي خلکو پر کور د طالبانو د راکټ لګېدو له امله نهو ملکي وګړو ته مرګ ژوبله اوښتې ده.
د دفاع وزارت د معلوماتو له مخې په دې پېښه کې درې ملکیان وژل شوي او شپږ نور ټپیان دي.
د دفاع وزارت مرستیال ویاند فواد امان نن جمعه/ د جوزا ۷مه/ پر خپل ټویټر لیکلي، د پېښې ټپيان د امنیتي سرتیرو له خوا روغتون ته انتقال شوي دي.
صبح امروز در اثر پرتاب راکت توسط طالبان بالای خانه های غیرنظامیان در ولسوالی گرشک ولایت هلمند، ۳ فرد ملکی به شهادت رسیدند و ۶ تن دیگر زخمی شدند.
زخمی ها توسط نیروهای امنیتی به شفاخانه انتقال داده شدند.— Fawad Aman (@FawadAman2) May 28, 2021
طالبانو تر اوسه په دې هکله تبصره نه ده کړې.
د افغان چارواکو په خبره وړمه ورځ د فاریاب ولایت په قیصار ولسوالۍ کې هم پر یوه کور او بازار کې د طالبانو د هاوانونو لګېدو له امله اووه ملکي وګړي ووژل شول او ۹ تنه نور ټپیان شول.