تاند (چهارشنبه د جوزا ۵) د افغانستان حکومت غلام محمد اسحاقزی په ملګرو ملتونو کې د خپل دایمي استازي په توګه وټاکه.
د بهرنیو چارو وزارت ویاند ګران هېواد وايي چې ښاغلی اسحاقزی به نژدې وخت کې خپله نوې دنده پيل کړي.
ښاغلی غلام محمداسحقزی چې له ۲۰۱۶ کال تر اوسه په آذربایجان کې دملګرو ملتونو داستازي په توګه دنده ترسره کوي، په ملګروملتونو کې دافغانستان د دایمي استازي په توګه ټاکل شوی او په نږدې راتلونکې که به خپله دنده پیل کړي. هغه معلومات چې په دې هکله په خواله رسنیو کې خپاره شوي بې اساسه دي.
— Gran Hewad (@Granhewad) May 25, 2021
د نوموړي په خبره اسحاقزی له ۲۰۱۶ کال نه تراوسه په اذربایجان کې د ملګرو ملتونو د استازي په توګه دنده مخته وړې.
تر دې مخکې د شااوخوا دوه نیمو کلونو لپاره عادله راز په ملګرو ملتونو کې د افغانستان استازې وه.