تاند (یکشنبه د جوزا ۲) د هدفي وژنو پر دوام نن سهار د پروان د سیدخېل ولسوالۍ د علماوو شورا رییس د نامعلومو وسله والو په برید کې وژل شوی.
د سیدخېل ولسوالۍ ولسوال احمد لمر عثمان یار ویلي چې مولوي سیف الله ساپی نن سهار په یاده ولسوالۍ کې د شهید سیف الرحمن په نوم د یوې لېسې مخې ته د ناپېژاندو وسله والو له لوري ووژل شو.
د عثمان یار په خبره د پېښې په هکله پلټنې پيل شوې دي او ژر به یې معلومات له رسنیو سره شریک کړل شي.
تر اوسه ددې پېښې مسؤلیت چا نه دی منلی.