تاند (یکشنبه د جوزا ۲) وروسته له هغه چې په وروستیو کې د افغانستان په یو شمېر ادارو کې د فساد د ډېروالي راپورونه ورکړل شول د دغې ادارې رئیسې له خپلې دندې استعفا ورکړې.
غزال حارث ویلي چې اوږده موده یې د پلټنې په اداره کې د فساد پر وړاندې مبارزې ته ادامه ورکړه، خو د دې په ټکو چې په افغانستان کې له فساد سره د مبارزې چاره سخته ده.
د آغلې حارث په په خبره چې دوه ځلې یې خپله استعفا ولسمشر ته استولې خو نه ده منظوره شوې.
هغې هیله څرګنده کړې چې افغانستان په نږدې راتلونکې کې د فساد پر وړاندې د مبارزې په برخه کې یو واحد لیدلوری ولري.
د پلټنې ادارې مشره داسې مهال له خپلې دندې استعفا کوي چې په وروستیو کې په یو شمېر ادارو کې د فساد د ډېروالي راپورونه ډېر شوي.
د افغانستان پر روڼتیا د څار بنسټ او د ولسي جرګې ځینو غړو په وروستیو کې ادعا کړې چې فساد په پلان شوې او سیستماتیکه توګه روان دی او لوړپوړي حکومتي چارواکي پکې ښکېل دي.