تاند (شنبه د جوزا ۱) راپورونه وايي، نن له غرمې وروسته د بدخشان مرکز فیض اباد ښار کې د ولایتي شورا د یوې پخوانۍ غړې په موټر چاودنه چاودنه شوې.
د بدخشان ولایت د امنیه قومندانۍ ویاند ثناءالله روحاني د دې پېښې پخلی کړی خو په دې هکله یې ډېر جزیات نه دي ورکړي.
هغه ویلي چې د څېړنې ټيم د پېښې ځای ته رسېدلی او په دې هکله به نور جزیات وروسته شریک کړي.
خو د پېښې عیني شاهدان بیا وايي چې دغه چاودنه د بدخشان د ولایتي شورا د پخوانۍ غړې منیره عالمیار په موټر شوې ده چې خپله عالمیار او څو تنه نور په کې ژوبل شوي دي.
تر اوسه د پېښې مسؤلیت کوم چا یا ډلې پر غاړه نه دی اخیستی.