تاند ( چهارشنبه، د ثور ۲۹مه) د افغانستان د اوبو د تنظیم ملي اداره وایي، چې په فراه ولایت کې د سختو جګړو سره سره د بخش آباد د اوبو بند چارې ګړندۍ روانې دي.
د یادې ادارې ویاند نظام الدین خپلواک له کلید راډیو سره په خبرو کې وویل، چې د اوبو دا بند د هېواد یو له سترو بندونو څخه دی او ژر به یې چارې هم بشپړې شي.
خپلواک وایي، اوسمهال د بخش آباد بند په انحرافي کانالونو کار روان دی او وروسته له هغې به يې پر بدنې کار پيل شي.
نوموړی وایي پر دې بند شاوخوا ۶۰۰ ميلیونه امریکایي ډالره لګښت راځي.
د ښاغلي خپلواک په خبره دا بند به د اوبو په مدیریت ، د کرنیزو ځمکو خړوبولو، برېښنا تولید او هېوادوالو ته د کاري زمینې په برابرلو کې ډېره مرسته وکړي.