تاند – انار داسي مېوه ده چې له ډېرو پخوا زمانوڅخه یې دښو خواصو یادونې کېږي خو ښايي د دې مېوې ترټولوښه خاصیت دا وي چې وینه تصفیه کوي اوممکن ډېر خلک دانارو له دې ځانګړتیا خبر وي.
خو اوس طبي کارپوهان وايي چې انا پر دې سربېره چې وینه پاکوي دسرطان له مخنیوي سره هم ښایسته مرسته کوي او دا د دې له امله ده چې په انارو کې انټي اوکسیډنټونه شته.
له بلې خوا د روغې سټې کارپوهان انار د وزن دزیاتېدا دمخنیوي لپاره ښه بولي او وايي چې انار ددې په ترڅ کې چې دانسان بدن ته ډېر ویټامینونه اوفایبرونه ورکوي ،لږکالوري لري اود ډنګرښت لپاره هم ښه ده .
ښايي ترټولوپه زړه پورې درته دا وي چې دانارو انټي اوکسډانټونه حتی ترشین چای هم زیات دي اوله بلې خوا ډېره اندازه وسپنه او (A,E,C) ویټامینونه لري.