تاند(دوشنبه، د ثور۲۷) په افغانستان کې د ناټو او امریکايي پوځیانو عمومي قوماندان جنرال سکاټ میلر وايي، اوس پر هغو خطرونو تمرکز کوي چې د دوی ځواکونو ته متوجه دي.
جنرال میلر د بي بي له نړیوال تلویزیون سره په مرکه کې وویل، د دوی ځواکونه د افغانستان راتلونکې ته د پېښ ګواښ په اړه هم غور کوي.
ده همداراز وویل، د اختر له اوربنده وروسته د طالبانو خوځښتونو ته ځیر دی خو باور لري چې طالبان به تر پخوا هم بریدونه زیات کړي.
جنرال میلر د بي بي د خبریالې لیزدوسیت د دې پوښتنې په ځواب کې چې ډیر کسان فکر کوي چې سږنی دوبی به د افغانستان تر ټولو خونړی اوړی وي، وویل «هو، ما هم همداسې اورېدلي او د طالبانو له اقداماتو هم دغسي ښکاري. طالبانو د بېلابېلو ولایتونو پر مرکزونو فشار زیات کړی دی.»
ده په عین حال کې وویل چې افغان امنیتي ځواکونه د طالبانو د مخنیوي توان لري.
جنرال میلر په افغانستان کې د ناټو او امریکايي ځواکونو وروستی قوماندان دی او تر بل هر قوماندان یې په افغانستان کې ډېر وخت د قوماندان په توګه تېر کړی دی.
ناخلفه زوی(ټالبانو) په کلکه هوډ کړی چې ورور وژنې ته به د پاکستان په ګټه په ډېره لېوالتیا سره دوام ورکړي.