تاند ( جمعه، د ثور ۲۴ مه ) لکه څنګه چې هندي سینما بالیووډ او ترڅنګ یې هندي سریالونه په ټوله نړئ کې مینووال لري همدا ډول ترکي سریالونه هم د افغانستان په ګډون ډیری هېوادونو کې مینووال لري او اداکاران یې مشهور شوې دي.
له دې ډلې د ترکیې هېواد (مینه په لفظونو کې نه شته) سریال هغه دی چې په لږ وخت کې یې په نړیواله سطحه مینووال موندلي دي.
د دې سریال مرکزي اداکاره هینډي ارسل ده چې د نړئ په ګوټ ګوټ کې مشهوره شوې ده.
ارسل اوس په ټولنیزو رسنیو کې د شهرت یو نوي مقام ته رسېدلې ده.
د معلوماتو له مخې، د ترکۍ اداکارې هينډي ارسل په رسمي انسټاګرام اکاونټ کې تعقيبوونکي ورځ تر بلې زياتېږي چې هغې ته يې ډېر شهرت ورپه برخه کړى دى.
د هينډي ارسل د انسټاګرام فالورز شمېر له ٢٠ ميليونو څخه پورته شوى دى.
ارسل لومړنۍ ترکۍ اداکاره شوه، چې په انسټاګرام کې دومره زيات تعقيبوونکي لري.
که د ترکۍ اداکارې د انسټاګرام اکاونټ وکتل شي، نو نوموړې تراوسه پورې ٤٧٥ پوسټونه کړي دي چې په دې کې د هغې د نويو سريالونو عکسونه او همدا راز شخصي او د کورنۍ عکسونه دي.
هينډي ارسل په انسټاګرام کې ٣٨٦ کسان هم فالو کړي دي چې دا هم ټول د هغې د سريالونو ملګري او يا هم د هغې نږدې خپلوان او ملګري دي.
د يادولو وړ ده چې هينډي ارسل د ترکيې يو له مشهورو اداکارانو څخه ده چې نه يوازې په ترکيه کې بلکې په نورو هېوادونو کې هم ډېر مينه وال لري.