تاند – راپورونه وایي، په انګلستان کې د لامبو وهلو لپاره د دوو سترو ودانیو په منځ کې هوایي ډنډ ( حوض) جوړ شوی دی.
نړۍ کې ډېر داسې حوضونه ــ د لامبو وهلو ځایونه شته خو راپورونه وایي، دا حوض له تر ټولو پاک او ښکلی حوض بلل کیږي.
دا حوض – د لامبو وهلو ځای د انګلستان په مرکزي ښار لندن کې دا د ‘سکایپول” په نوم جوړ شوی دی.
دغه حوض تر اوسه په رسمي ډول نه دی افتتاح شوی خو معلومات په ډاګه کوي چې دا حوض د ځانګړي قوي پلاستیک څخه جوړ شوی دی.
د لامبو وهلو دا ځانګړی حوض د لندن په “نو ایلمز” کې د دوه سوداګریزو ودانیو تر منځ په ۸۵ فوټه اوږدوالي او ۱۱۵ فوټه لوړ والي سره جوړ کړل شوی دی.
د دې هوایي ډنډ لپاره نرمې پلاستیکي ټوټې د امریکا له کلراډو څخه راوړل شوي او د روان کال په لړ کې به پرانیستل شي.
د خپرو شویو معلوماتو له مخې، په دې ډنډ کې د لامبو وهلو لپاره د خلکو لیوالتیا بیخي ډېره ده او له پرانېستل کېدو سره سم به په لوړ فیس مراجعین ورته مراجعه وکړي.