تاند- یو نوی روباټ جوړ شوی چې یوازې د کروندو مضر او بې ګټې بوټي له منځه وړي.
حاضردمه له کیمیايي موادو څخه په استفادې د کروندو مضر بوټي له منځه وړل کېږي او یا ځینې کسان په لاس خشاوه کوي چې خورا سخت کار دی او ډېر وخت ته اړتیا لري.
د خشاوې یا د مضرو بوټو د لېرې کولو لپاره له کیمیايي موادو استفاده اصلي بوټو ته هم زیان اړوي او د انسان روغتیا ته تاوان پېښولی شي. کیمیايي مواد خاورې ته هم زیان لري.
خو د امریکا په سایټل کې کاربون رواټیکس کمپنۍ دا روباټ جوړ کړی چې په مرسته یې مضر بوټي له منځه وړل کېږي.
دا روباټ، چې په مصنوعي ذهانت سمبال دی، د لیزر ټکنالوژۍ په وسیله مضر بوټي په داسې ډول له منځه وړي چې اصلي فصل ته هیڅ زیان نه اړوي.