تاند (جمعه، د ثور ۳) وسلوالو کسان نن ماسښتن د لغمان مرکز اړوند علي خیلو سیمه کې د تراویح د لمانځه پرمهال په لمونځ کوونکو ډزې کړې، چې ۴ کسانو ته یې مرګ ژوبله اړولې ده.
د لغمان د والي ویاند اسدالله دولتزي رسنیو ته په استولي پیغام کې ویلي چې په یاد برید کې یو قومي مشر حاجي لعل اغا وژل شوی او د هغه د زوی په ګډون پکې درې تنه نور ټپیان شوي دي.
د دولتزي په خبره، برید کوونکي له سیمې څخه تښتېدلي دي.
د برید مسؤولیت تراوسه چا په غاړه نه دی اخیستی.