تاند ( جمعه، د ثور ۳) ختیځ کې د ۲۰۱ سېلاب قول اردو مسوولان وایي، په تېرو ۲۴ ساعتونو کې افغان ځواکونو د هوایي او ځمکني بریدونو پرمهال د ننګرهار په حصارک ولسوالۍ کې ۳۱ طالبان وژلي دي.

د ۲۰۱ سېلاب قول اردو مرستیال ویاند سید مقصود صاحبزاده وایي، دا عملیات د هوایي ځواک په ملتیا ترسره شوي، چې په وژل شویو طالبانو کې د دوی د سرې قطعې قومندان احمد هم شامل دی.

نوموړی وایي دا عملیات د حصارک په ظریف خېلو سیمه کې ترسره شوي دي.

صاحبزاده زیاتوي،چې په دې عملیاتو کې ۱۳ نور طالبانو ټپيان شوي هم دي او ګڼ شمېر وسلې هم افغان ځواکونو ته په لاس ورغلي دي.

د هغه په خبره په دې عملیاتو کې عامو خلکو ته کوم زیان نه دی اوښتی.

بل لورته وسله والو طالبانو هم تر اوسه په دې اړه څه نه دي ویلي.