تاند (دوشنبه د حمل ۳۰) د سرپل سیمه ییز چارواکي وايي، د هېواد د هنډبال د ملي ټيم کپتانه نوريه تابش د دغه ولايت په مرکز کې په خپل کور کې وژل شوې ده.
د سرپل د امنيه قوماندانۍ وياند نور اغا فيضي ویلي، نوموړې د خپل مخکیني مېړه له خوا پرون ناوخته وژل شوې ده.
دده په خبره چې دوی ته رسېدلي مالومات ښيي چې د نوريې مخکېنی مېړه د شپې د هغې کور ته ورغلی، ډزې يې پرې کړې، نوريه او د هغې ورېندار يې وژلې او ورور او مور يې ژوبل دي.
بله خوا د سرپل ولایت د ټولنیزو چارو مرستیالې نسیمه ارزو ویلي چې د نوریې خاوند پخوا ددې ولایت په امنیه قومندانۍ کې دنده لرله، خو له نوریې تر بېلتون وروسته له طالبانو سره یو ځای شوی و.
د چارواکو په وینا چې قاتل له سیمې تښتېدلی، خو پوليس اوس هم پسې ګرځي چې و يې نيسي.