تاند- د (DxOMark) موسسې د څېړنو له مخې، شیاومي ایم آی ۱۱ الټرا موبایل د عکس اخیستو له نظره د موبایلونو په منځ کې لومړی مقام خپل کړی دی.
د دې موسسې پر اساس، چې په نړۍ کې د موبایلونو د کیفیت په اړه څېړنې کوي، شیاومې ایم آی الټرا ۱۱ موبایل ۱۴۳ امتیازونه اخیستي، ورپسې د چین بل موبایل (هووای میت ۴۰ پرو پلس) دوهم ځای خپل کړی دی.
شیاومې ایم آی ۱۱ الټرا ۱۰۰ نومرې د عکس د لویولو او ۱۱۷ نومرې یا امتیازونه د فلم اخیستو په برخو کې ترلاسه کړي دي.
هووای میت ۴۰ پرو پلس، چې دوهم ځای یې خپل کړی، د عکس په برخه کې ۹۸ او د فلم اخیستو په برخه کې ۱۱۵ نومرې اخیستي دي.
شیاومي ایم آی ۱۱ الټرا ۵۰ پیکسلي کمره لري.