تاند (یکشنبه د حمل ۲۲) د پروان ولایت په شینوارو ولسوالۍ کې د دوو کورنیو تر منځ جګړه کې ۹ تنو ته مرګ ژوبله اوښتې ده.
د سیمه ییزو چارواکو په خبره چې دغه پېښه تېره شپه د شینوارو ولسوالۍ په اشتر ښار سیمه کې چېرته چې طالبان مسلط دي، رامنځته شوې ده.
د شینوارو ولسوالۍ ولسوال محمد اکوګل محمدي وايي، د ښوونځي د دوه زده کوونکو تر منځ لومړی لفظي شخره شوې او وروسته دغه شخړه د زده کوونکو د کورنیو تر منځ په وسله واله نښته اوښتې.
نوموړي زیاته کړې، چې په دغه نښته کې له دواړو لورو دوه تنه وژل شوي او ۷ تنه نور ټپیان دي او په وینا یې په ټپیانو کې د درې هغو روغتیايي وضعیت د ډاډ وړ نه دی.
د چارواکو په وینا چې د دغه کورنیو تر منځ پخوا هم دښمني وه.