تاند ( سه شنبه، د حمل ۱۷) د افغانستان کرکټ بورډ د غوراوي څانګې له لوري له نولس کلنو د کم عمره لوبغاړو لپاره کابل کرکټ لوبغالي کې تمریناتي کمپ پيل شو.
کرکټ بورډ وایي، له دې کمپ نه یې موخه د لوبغاړو د وړتیاوو لوړول دي.
د سرچینې په خبره دا کمپ به شاوخوا لس ورځې دوام وکړي.
سرچینه زیاتوي، چې په دې تمریناتي کمپ کې به لوبغاړي خپلمنځي لوبې کوي او د دوی د وړتیاو د لوړولو په خاطر به له دوی سره د ملي لوبډلې لوبغاړي هم ولوبیږي.
دا تمریناتي کمپ داسې مهال پیلېږي، چې بل لورته بیا د کمال خان بند په ویاړ د کرکټ د ملي لوبډلې پنځمه لوبه د جمعې په ورځ په خوست ولایت کې ترسره کېږي.
په یاده لوبه کې دوه لوبډلې دي چې د یوې لوبډلې مشري ګلبدین نائب او د بلې لوبډلې مشري بیا رحمن الله ګربز کوي.