تاند (جمعه د حوت ۲۹) د افغانستان د ملي امنیت لوی ریاست وايي، ځواکونو یې په فاریاب ولایت کې د داعش ډلې یوه ۱۸ کسیزه ډله نیولې ده.
د ملي امنیت عمومي ریاست نن جمعه په یوه اعلامیه کې ویلي چې نیول شویو کسانو د داعش ډلې د جلب او جذب مسؤلیت په غاړه درلود.
نیروهای قطعات خاص ریاست عمومی امنیت ملی در عملیاتی طرحریزی شده، یک هستهی ۱۸ نفرى تبلیغ و جلب و جذب گروه داعش را در ولایت فاریاب بازداشت نمودند. #NDS_Afghanistan pic.twitter.com/qchwjfiaH0
— NDS Afghanistan (@NDSAfghanistan) March 19, 2021
په اعلامیه کې دغه راز راغلي چې په نیول شویو کسانو کې د عبدالحق، حسیب الله، سید عبدالعزیز، عبدالبصیر، سخي محمد، بشیر احمد په نومونو کسان هم شامل دي.
سرچینه زیاتوي، «دغه هستې جهاد ته د جلب او جذب مسؤلیت په غاړه درلود، داعش ډلې ته د افرادو د جلبولو لپاره یې د افغانستان نورو ولایتونو ته یې د تبلیغ لپاره کسان لېږل.»
د ملي امنیت ریاست وايي، د داعش ډلې نیول شویو کسانو په فاریاب ولایت کې د نورو ورانکارو فعالیتونو ترڅنګ د دولتي مامورینو په ترور کې هم لاس درلود، خو ډاډ یې ورکړی چې هیڅ یوې ترهګریزې ډلې ته به د فعالیت اجازه ورنه کړي.
د ځايي چارواکو په وینا د هرات په ځینو برخو کې د طالبانو ترڅنګ د داعش ډلې وسله وال هم فعالیت لري.