تاند(سه شنبه، د حوت ۲۶) د هرات ځايي چارواکي وایي هغه طالبان یې وژلي چې د پاشدان بند پر ساتونکو یې برید کړی و.
د هرات د والي رسنیو ته ویلي په استولي ویډیوي پیغام کې ویلي، وسله والو طالبانو نن سهار د پاشدان بند پر ساتونکو برید وکړ خو تر پېښې وروسته د امنیتي ځواکونو له لوري تعقیب شوي او د پښتون زرغون ولسوالۍ په تونیان کلي کې ووژل شول.
د هغه په خبره طالبان پنځه کسه وو، چې ټول له امنیتي ځواکونو سره په نښته کې وژل شوي دي.
پاشدان تر سلما وروسته په هرات کې د اوبو مهم بند ګڼل کېږي چې د جوړونې چارې یې روانې دي.
د یاد بند پر ساتونکو تېره شپه درې بجې د وسله والو کسان له لوري برید وشو، چې دوه سرتیري پکې ووژل شول او یو بل ټپي دی.
د والي په خبره برید طالبانو کړی او له دې وړاندې یې د یاد بند ۱۱ کارکوونکي تښتولي، چې لا هم بې درکه دي.
طالبانو تر اوسه په دې اړه څه نه دظی ویلي.