تاند ( سه شنبه، د حوت ۲۶) ناپېژاندو وسله والو د پاشدان بند پرامنیتي ساتونکو برید کړی او دری تنه یې وژلي دي .
د اوبو چارو د تنظیم د ملي ادارې ویاند وایي، نن سهار ۳ بجې ناپېژاندو وسله والو په هرات کې د پاشدان بند پرساتونکو برید کړی، چې له امله یې د دې بند درې ساتونکي وژل شوي دي.
د یادې ادارې ویاند نظام الدین خپلواک وایي په دې برید کې یوکس ټپي دی او دری نور لادرکه دي.
نوموړی وایي دا بند د اوبو چارو د تنظیم د ملي ادارې له سترو پروژو څخه ده او وخت ناوخته وسله وال کسان هڅه کوي د دې پروژې د مخته تګ مخنیوی وکړي.
هغه وایي د دې بند د رغونې چارې ۶۰ سلنه بشپړې شوې دي.