تاند ( سه شنبه، د حوت ۲۶) د هند د ملي لوبډلې چټک توپ اچوونکي جسپریت بومرا د تلویزوني خپرونو چلوونکې سنجنا ګینسان سره واده وکړ.
بومرا په خپله فېسبوک پاڼه د خپل واده انځورونه خپاره کړي.
هغه لیکلي: «که چېرته مو مینه د دې وړ وګڼي نو بیا تاسې ته د لارې لارښوونه هم کوي. موږ یوځای د مینې او محبت څخه ډک سفر پیل کړ او نن ورځ زموږ د ژوند ترټولو ښه ورځ ده او د دې خبر په خپرولو سره د خوښۍ احساس کوم.»
جسپریت بومرا د انګلستان پر وړاندې د ټیسټ لوبې په سکواډ یا لوبډله کې شامل دی، خو له څلورمې وړاندې یې د واده لپاره رخصت اخیستی دی.
د بومرا مېرمن هم د ډېرو ورزشي خپرونو کوربه توب کړی.
د معلوماتو له مخې سنجنا ګنیسان د خپل کیریر پیل د موډلې په بڼه سره وکړ، خو له هغې وروسته یې تلویزوني خپرونو ته مخه وکړه او په سټار سپورټس تلویزون د (میچ پواینټ) او (چیکي سنګلز) خپرونو کوربه توب کوي.