تاند (شنبه د حوت ۲۳) په عامه او ستراتیژیکو چارو کې د ولسمشر اشرف غني سلاکار وحید عمر وايي، هېڅ کس یا اداره حق نه لري چې د اساسي قانون پر خلاف د هېوادوالو لپاره محدودیتونه وټاکي.
ښاغلي عمر دغه څرګندونې د پوهنې وزارت د وروستۍ پرېکړې په غبرګون کې چې ویلي یې دي له ۱۲ کلنۍ د لوړ عمر لرونکې نجونې نه شي کولای د نارينه وو په غونډو کې ترانې ولولي.
نوموړي نن شنبه پر خپل ټویټر لیکلي چې دوی د پوهنې وزارت له مشرتابه سره په اړيکه کې دي، ترڅو د یادې پرېکړې په هکله خپل دریځ روښانه کړي.
قانون اساسی کشور حقوق، وجایب و آزادی های فردی و جمعی اتباع کشور را تضمین کرده است. هیچ فرد یا نهادی اجازه ندارد تا بر خلاف روحیه قانون اساسی کشور برای شهروندان کشور حدود تعیین کند. با رهبری وزارت معارف در تماس استیم تا در این مورد موضعگیری خود را روشن کند.
— Waheed Omer (@Waheed_Omer) March 13, 2021
د تېرې چهارشنبې په ورځ د پوهنې وزارت د يوې اعلاميې په خپرولو سره وويل، تر دې وروسته هغه نجونې چې له ۱۲ کلونو ډېر عمر ولري، نه شي کولی د نارینه وو په حضور غونډو کې ترانې ووايي.
د وحید عمر تر دې څرګندونې مخکې د افغانستان د بشري حقونو خپلواک کمېسیون د پوهنې وزارت د یادې پرېکړې په غبرګون کې ویلي و چې هنري مهارتونو ته لاسرسي د ماشومانو حق دی او نباید ترې محروم شي.
د بشر حقونو کمېسیون: هنري مهارتونو ته لاسرسی د ماشومانو حق دی