تاند- څېړونکو وايي، د وینې د ازموینې یا ټیست کولو یوه نوې طریقه یې موندلې چې د ۸ ډوله سرطاني تومورونو د خپرېدو مخه نیسي.
د ستراټسمن ورځپاڼې د جورنال ساینس د راپور له مخې ویلي، مخکې تر دې چې د سرطان د ناروغۍ د پېژندلو دا طریقه عامو خلکو ته وړاندې شي، پکار ده چې نورې ازموینې یې ویشي.
دا طریقه کینسر سیک (CancerSEEK) نومېږي او لګښت یې ۵۰۰ ډالره دی.
دا څېړنه د امریکا په جان هاپکینز پوهنتون کې شوی.
څېړونکو دا شیوه د سرطان په ۱۰۰۵ تنو ازمویلې او د سرطان ناروغي یې په هغوی کې تشخیص کړې ده.
دوی وايي چې دا طریقه په مجموع کې په سلو کې ۷۰ دقیقه ثابته شوې ده.
د دغو کسانو په رحم، ځیګر، نس، پانقراص او سینې کې سرطاني غُدې تشخیص شوې.
د کینسر سیک هدف دا دی چې سرطان مخکې تر دې تشخیص شي چې د انسان په بدن کې خپور او درملنه یې سخته شي.
حاضردمه د سرطان په ناروغۍ کې تر ټولو مشکله مسله همدا ده چې ډېر ځلې ناروغي ژر نه تشخیص کېږي.