پاکستان پرون (چهارشنبه) د پاکستان د روغتیا وزیر فیصل سلطان وویل چې د چین سینوفارم واکسین به په لومړي پړاو کې هغو کسانو ته ورکړل شي چې عمرونه یې تر ۸۰ کلونو ډېر دي.
پاکستان په داسې حال کې د چین سینوفارم واکسین پیل کړ چې د دغه هیواد د روغتیا د برخې اکثره کارکوونکي د دغه واکسین د اغېزمنتوب په اړه شک لري.
له هغې نظرپوښتنې سره سم، چې یوه اوونۍ دمخه خپره شوه، د پاکستان نیمايي طبي کارکوونکو ویلي چې پر سینوفارم واکسین باور نه لري خو حاضردمه پاکستان بل واکسین نه شي ترلاسه کولی.
په دې نظرپوښتنه کې، چې ګالپ او د پاکستان د ډاکترانو ټولنې په ګډه کړې، د دغه هیواد له ۵۵۵ طبي کارکوونکو څخه د چینايي او نورو واکسینونو په اړه پوښتنې شوې وې.
د پاکستان د روغتیا وزیر په وینا چین دغه هیواد ته څه باندې ۵ لکه لکه ډوزه سینوفارم واکسین ورکړي دي.