د استاد پسرلي ابدي سفر ته
پسرلې او د ګلونو پاچا ولاړی
د مهینو غزلونو پاچا ولاړی
په کابل به پرخي نه ناڅي له ویره
د وږمو د مزلونو پاچا ولاړی
چې د (ستورو) په جوپو کې جنازه ځي
د سپوږمۍ، سپوږمۍ خیالونو پاچا ولاړی
د غزل ناوی پلو په مخ را خپور کړ
د ښایست د تفسیرونو پاچا ولاړی
د ( نازو) اوښکي باجګیره د (پروین) شوی
د شفق او د لمرونو پاچا ولاړی
۱-ستوری دادب لارویان ۲- نازو داستاد مرحوم یوازنی لور ۱۳۹۲
ډیرښایسته شعروه الله دی ونازوه
پروین جان ، ښه شعردی