تاند ( پنج شنبه، د حوت ۱۴) د پاکستان سوپر ليګ شپږم پړاو لوبې د کورونا له امله
وځنډول شوې.
پاکستاني رسنۍ وایي د پاکستان کرکټ بورډ اعلان کړی چې د کورونا پېښو زياتېدو سره بهرنيو لوبغاړو غوښتل چې دا ليګ پرېږدي او خپلو هېوادونو ته ستانه شي نو ځکه یې دا لوبې وځنډولې.
د یادونې ده چې په لومړیو کې د اسلام اباد يونايټيډ لوبډلې د لوبغاړي فواد احمد د کورونا ټېسټ مثبت راغى.
له هغه وروسته د دوه بهرنيو لوبغاړو او يو کارمند ټېسټونه هم مثبت راغلل چې دې چارې اندېښنې را وپارولې.
د معلوماتو له مخې تر دې دمه ٧ کسان د پاکستان سوپر ليګ پر مهال په کورونا ويروس اخته شوي دي.
یاد ليګ کې يو شمېر افغان لوبغاړي هم د بېلا بېلو لوبډلو سره لوبیږي.