تاند ( پنج شنبه، د حوت ۱۴) د ننګرهار ولایتي چارواکي وايي چې نن سهار د جلال اباد ښار په درېيمه ناحیه کې ماین چاودنې د دې ولایت د حوزوي روغتون یوه ډاکټره وژلې ده.
د والي ویاند عطاالله خوګیاڼی وايي پېښه د پاکستان زړې قونسلګرۍ سره نږدې پر یو رېکشا د نښلېدونکي ماین چاودنې له امله رامنځته شوې ده.
نوموړی وایي په دې پېښه کې د صدف په نوم یوه ډاکټره چې په حوزوي روغتون کې دنده لرله وژل شوې ده.
بل لورته د ننګرهار روغتیايي مسوولین هم مني چې چاودنه کې د عامې روغتیا اړوند د یوه روغتون ولادي او نسايي برخې ډاکټره وژل شوې.
د یاد روغتون مسوولان زیاتوي چې په دې پېښه کې یو بله ماشوه ټپي شوې هم ده.
د دې پېښې مسوولیت تر اوسه چا نه دی منلی.
دا پېښه داسې مهال رامنځته کېږي چې وړمه ورځ هم د ښار په منځ کې وسله والو کسانو ۵ ښځينه وو ته چې درې یې د یو خصوصي تلویزیون کارکوونکې وي مرګ ژوبله اړولې وه.
عام خلک وروستیو نا امنیو اندېښمن کړي او له اړونده ادارو غواړي چې په دې برخه کې کوټلي ګامونه پورته کړي.