تاند ( سه شنبه، د حوت ۱۲) ولسمشر محمداشرف غني له ترکیې غوښتي چې له خپل نفوذ په استفادې د افغان سولې په بهیر کې خپله همکاري ډېره کړي.
د ترکیې او افغانستان ترمنځ د ديپلوماتیکو اړیکو د سلمې کلیزې په مناسبت ولسمشر غني په یوه خپاره کړي پیغام کې ویلي چې ترکیه په سیمه کې د افغانستان ښه ملګری هېواد دی او تل یې په بېلابېلو برخو کې له افغانستان سره مرسته کړې ده.
هغه ویلي اوس د دې وخت دی چې ترکیه له خپل نفوذ څخه په استفادې د افغانستان د سولې په مسئله کې هم رغنده او پیاوړی رول ولوبوي.
په ورته مهال په همدې مناسبت د رجب طیب اردوغان په پیغام کې بیا راغلي چې دوی په افغانستان کې د سولې د راتګ ملاتړي دي.
هغه ویلي د افغانستان سوله او ثبات د ټولې سیمې د سولې او ثبات په مانا ده.
ولسمشرداسې مهال په افغان سوله کې د ترکیې مرسته اړینه بولي چې په دې وروستیو کې په هېواد کې جګړې سخت زور اخیستی او د سولې په خبرو کې هم پرمختګ نه لیدل کېږي.